परिचय

 तालिम केन्द्रको विगत र वर्तमानः मुलुकको अर्थतन्त्रमा पशुपालन व्यवसायले प्रमुख भुमिका खेलेको छ । यसै तथ्य लाई मनन गरि नेपालमा पशुपालन पेशालाई ब्यवसायिकरण र बिबिधिकरणको माध्यमबाट आय मुलक र सम्मानित पेशाको रुपमा बिकास गरि देशको कुल राष्टिय उत्पादनमा योगदान पुर्याउने  पशु सेवा विभागको उदेश्य रहेको एंव यसको प्राप्तिमा टेवा पुर्याउन पशु सेवा तालिम र प्रसारका क्रियाकलापहरुको महत्वपुर्ण भुमिका रहेको हुँदा समानुपातिक रुपमा पशु सेवा उपलब्ध गराउने र पशु पालनलाई दिगो रुपमा ब्यावसायिकरण गरी उत्पादकत्व बढाउने उदेश्यले नेपाल सरकार पशु सेवा विभागले पाँच वटै विकास क्षेत्रमा क्षेत्रिय पशु सेवा तालिम केन्द्र  स्थापना गर्ने लक्ष्य अनुसार वि.स. २०५२ श्रावण १ गते देखि यस सुदुर पश्चिम विकास क्षेत्र अर्न्तगत कैलाली जिल्लाको धनगढीमा तत्कालिन पशु सेवा तालिम तथा पशु सेवा  तालिम तथा प्रसार महाशाखा र हालको पशु सेवा तालिम तथा प्रसार निर्देशनालय अर्न्तगत यस क्षेत्रिय पशु सेवा तालिम केन्द्रको स्थापना भएको हो ।  स्थापना काल देखि नै यस तालिम केन्द्रको कार्यालय धनगढी उप महानगरपालिकामा रहदै आएको छ । वि.स. २०५८ साल जेष्ठ देखि यसै उपमहानगरपालिकाको वडा नं. ५ तारानगरमा युरोपेली समुदाय तथा तेस्रो पशु विकास आयोजनाको सहयोगमा निर्मित कार्यालय भवन रहेको छ । हाल वि.स. २०७५ साल देखि प्रदेश सरकार सुदुरपश्चिम प्रदेश अर्न्तगत रहने गरी क्षेत्रिय पशु सेवा तालिम केन्द्रको नाम  परिवर्तन गरी पशु सेवा तालिम केन्द्र धनगढीको स्थापना भएको छ ।