केन्द्रको उदेश्यः यस तालिम केन्द्रले अधिकृत स्तर , सहायक स्तर र कृषक स्तरका तालिमहरु सञ्चालन गरी तपशिल बमोजिमका उदेश्यहरु निर्धारण गरेको छ ।

दीर्धकालिन उद्धेश्यः

·       पशु पालनका नयाँ प्रविधिहरु प्रभावकारी रुपमा कृषक स्तरसम्म हस्तान्तरण गरी पशुपालक कृषकहरुको आयस्रोत अभिवृद्धि गरी गरिबी न्युनिकरणमा सहयोग गर्ने ।

·       पशु पालनमा भित्रिएका नँया खोज तथा अनुसन्धान र प्रविधिहरु लाई कृषक स्तरसम्म पुर्याइ पशुपालन ब्यवसायलाई आधुनिकरण,ब्यवसायिकरण र विविधिकरण गर्ने ।

अल्पकालिन उद्धेश्यहरुः

·       ग्रामिण स्वरोजगारीको सिर्जना गर्ने ।

·       जिल्ला भेटेरिनरि तथा पशु सेवा विज्ञ केन्द्र र  स्थानिय तह पशु सेवा शाखामा कार्यरत कर्मचारीको ज्ञान,सिप अभिबृद्धि गरी प्राबिधिकहरुको कार्यदक्षता अभिबृद्धि गर्ने ।

·       गरीब,दलित,जनजाती, अल्पसंख्यक,पिछडिएको र एकल महिला जस्ता बिपन्न बर्ग लाई पशुपालन पेसामा संग्लन हुन प्रेरणा प्रदान गर्ने ।

·       पशु जन्य उत्पादन बढाउन बिभिन्न सिपमुलक तालिमहरु संचालन गर्ने ।

·       सरकारी तथा गैरसरकारी संस्थाहरु सँग समन्वय गरी कृषकहरुलाई पशु पालन पेसा तर्फ आकर्षित गर्ने ।

·       ग्रामिण पशु स्वास्थ्य कार्यकर्ता लाई पुन तार्जगी तालिम प्रदान गरी सोको माध्यमबाट ग्रामिण समुदायका पशुपन्छीहरुको स्वास्थ्य संरक्षण,संर्वधन तथा नश्ल सुधार गर्न सहयोग पुर्याउने ।

·       बिभिन्न सरकारी तथा गैर सरकारी संस्थाहरुसँग समन्वय गरी पशु सेवा सम्बन्धि तालिमहरु संचालन गर्ने ।

·       पशु सेवा सम्बन्धि तालिमहरुको अनुगमन र मुल्यांकन गर्ने ।

 

 नितिगत अबधारणाहरुः

·       अधिकृत स्तर,सहायक स्तर र कृषक स्तरका तालिमको प्रकृति तथा केन्द्रमा रहेका भौतिक स्रोत साधनहरुको आधारमा पशु सेवा तालिम केन्द्रहरुमा संचालन गर्ने ।

·       पशु सेवा तालिम केन्द्र लाई सुदृढ एवं सक्षम बनाउन उक्त तालिम केन्द्रहरुको लागि आवश्यक पर्ने न्युनतम पुर्वाधार सुविधाको व्यवस्था गरी स्तरिय तालिम संचालनमा जोड दिने ।

·       स्वरोजगारमुलक तालिमको पहिचान गरी र संचालन गरी ग्रामिण स्तरमा स्वरोजगारीको अवसरको सृजना गर्ने ।

·       तिन दिन भन्दा लामो अवधिको तालिमहरु तालिमको प्रभावकारीता र कृषकहरुको मागलाई ध्यानमा राखि स्थलगत रुपमा पनि संचालन गर्ने ।